Incorporación sociolaboral

Algunhas persoas acumulan moitas dificultades para atopar traballo, xa que poden atoparse nunha situación límite na que a simple utilización dos mecanismos ordinarios de procura de emprego non abonda.

Mitigar estas circunstancias é a misión desta liña de traballo dos equipos de Benestar do Concello de Pontevedra.

Existen algúns mecanismos que podemos activar para ir axudando a resolver este problema que vai máis aló de atopar ou non un posto de traballo. Tratamos de conformar unha ponte entre as circunstancias destas persoas e os distintos mecanismos que están á nosa disposición para reimpulsar e mellorar a súa vida.

Colectivos altamente problemáticos, situacións persoais que poden considerarse crónicas en canto á relación coa actividade social e laboral… situacións de precarización que tratamos de revertir con accións concretas que podan chegar a mellorar as perspectivas das persoas que atravesan esta difícil etapa da vida.