Quen somos?

Somos persoas que estamos ao servizo das persoas.

Un equipo do Concello de Pontevedra que quere conseguir que todas as persoas vivan algo mellor, independentemente da súa situación persoal. Sempre que se precise unha axuda básica para levar adiante a vida persoal ou familiar, aquí pódese atopar algunha saída.

Neste espazo virtual poderás atopar algunhas saídas que podes estar buscando, xa que os Servizos Sociais Municipais son o sistema de protección social máis próximo a ti, especialmente se estás ou corres o risco de estar, en situación de carencia, marxinación ou exclusión social.