A Concellaría de Benestar Social Municipal, Carmen Fouces, visitou esta mañá o Curso de prevención de condutas adictivas a través da Música que está a impartir o Concello, a través do Plan Municipal de Prevención de Condutas Adictivas, en colaboración coa Consellería de Sanidade e a Fundación Secretariado Xitano, todos os martes e xoves de xullo e agosto entre adolescentes de etnia xitana. Participan nel 17 rapaces e rapazas que tratan os seguintes temas:
- Hábitos de traballo en equipo.
- Expresión corporal.
- Educación para a saúde.
- Hábitos saudables de consumo.
- Conciencia global (actuar localmente, pensando globalmente).
- Solidariedade.
- Responsabilidade.
- Participación social.
Esta actividade é lugar idóneo para conseguir os obxectivos previstos xa que a percusión e o cante, son actividades moi valoradas pola maioría dos mozos e mozas xitanos, podéndose converter nun espazo atractivo ou de referencia.
Aprenderán a construílo e obterán unhas nocións sobre como tocalo. O concepto de ensamble é sumamente interesante xa que cada integrante é unha peza dun gran mecanismo, dun conxunto, onde todos absolutamente son pezas fundamentais e cada un co seu aporte, traballando en equipo, logrará que todo o grupo chegue a unha experiencia músico-vivencial.
Dadas as características da actividade e o seu formato, deben considerarse moito máis que actividades meramente lúdicas (aínda que tamén o son), porque serán de gran utilidade no só para a saúde física, mental e social dos mozos e mozas, e o seu benestar cotiá, senón tamén para o seu desenvolvemento persoal a corto, medio e longo prazo.